टुँडिखेलमा चार खेल मैदान बन्ने

काठमाडौं- काठमाडौंको केन्द्रमा रहेको टुँडिखेलमा राजधानीका ‘ए’ र ‘बी’ डिभिजनका क्लब तथा आम मानिसलाई अभ्यास गर्न मिल्ने गरि चार फुटबल मैदान बन्ने भएका छन् ।

काठमाडौं महानगरको स्विकृतीमा अखिल नेपाल फुटबल संघ (एन्फा)ले नेपाली सेनाको सहयोगमा टुंडिखेलमा चारवटा फुटब मैदान बनाउन लागेकाे हाे । एन्फा महासचिव इन्द्रमान तुलाधरका अनुसार दुई पुरा र दुई सेभेन ए साईड फुटबल खेल्न मिल्ने गरि ४ वटा मैदान एन्फाले तयार गर्नेछ । 

यतीखेर टुँडिखेलमा पहिलो चरण अन्तर्गत घाँस र झारहरु काट्ने काम सुरु गरेको छ । ‘घाँस काटेर सफा गर्ने काम सात दिन भित्र सकिन्छ । त्यसपछि एन्फाले गोल पोस्ट हाल्ने र स्थायी मार्किङ गर्ने काम गर्छ ।’ तुलाधरले भने, ‘टुँडिखेलमा मैदान बनेसंगै अभ्यास गर्ने ठाउँ र फुटबल खेल्ने संस्कृतीको विकाश पुग्ने हाम्रो अपेक्षा छ ।’  

एन्फाले काठमाडौं महानगरपालिकासंग स्विकृती लिएर टुँडिखेलमा फुटबल मैदान बनाउने कार्यलाई अघि बढाएको हो । यसअघि, काठमाडौंका शीर्ष डिभिजनका क्लबले महानगर प्रमखसंग भेट गरि फुटबल अभ्यास गर्ने स्थानको अभाव रहेको भन्दै टुँडिखेललाई मैदान बनाउन आग्रह गरेका थिए ।

सोही अनुसार टुँडिखेलको संरक्षण गर्दै आएको नेपाली सेना र महानगरको सहकार्यमा एन्फाले फुटबल मैदान बनाउने प्रक्रिया अघि बढाएको हो । लिग तयारीमा रहेका मैदान नभएका काठमाडौंका क्लबहरुले अब टुँडिखेलमा अभ्यास गर्नेछन् । एन्फाले टुँडिखेलको मैदानलाई स्तरीय फुटबल मैदानको रुपमा विकाश गर्ने लक्ष्य लिएको छ ।