काठमाडौं- नेपाली कांग्रेस पूर्व आमन्त्रित केन्द्रीय सदस्य मोहनसिंह राठौरले व्यक्तिगत रूपमा कुनै नेताको प्रशंसा वा निन्दा गर्न नहुने तर्क गरेका छन्।
नेता राठौरले त्यसो गर्दा पार्टीको आन्तरिक एकतामा असर पार्नसक्नेतर्फ सचेत रहनुपर्ने धारणा राखेका छन्।
पूर्वशिक्षा तथा खेलकुद राज्यमन्त्रीसमेत रहेका राठौरले सरकारले मंसिर ४ गते तोकेको संघीय तथा प्रदेशको निर्वाचनमा गठबन्धन आबद्ध दलले एकता गरेर जाने निर्णय गरेकोमा स्वागत गरे।
संविधानको रक्षाका निम्ति वर्तमान सरकार सञ्चालनमा रहेका दल नै मिलेर जानुको विकल्प नरहेको उनको भनाई छ।
आगामी निर्वाचनमा सबै मिलेर जानुको विकल्प नरहेको औंल्याउँदै स्थानीय निर्वाचनमा सोहीको सकारात्मक परिणाम आएको राठौरले बताए।