नुवाकोटको बेलकोटगढी केन्द्र बनाएर ५.३ म्याग्‍निच्युडको भूकम्प

काठमाडौं- नुवाकोट केन्द्रबिन्दु बनाएर ५.३ म्याग्‍निच्युडको भूकम्प गएको छ।

शनिबार बिहान ५ बजेर २६ मिनेटमा नुवाकोटको बेलकोटगढी केन्द्र बनाएर भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ। भूकम्पको धक्का काठमाडौं र आसपासका क्षेत्रमा समेत महसुस गरिएको थियो।

हालसम्म भूकम्पबाट भएको कुनै क्षतिको विवरण प्राप्त भएको छैन। यसअघि साउन १५ गते पछिल्लो पटक खोटाङ केन्द्र बनाएर भूकम्प गएको थियो।

राष्ट्रिय भूकम्प मापन तथा अनुसन्धान केन्द्रले दिएको जानकारीअनुसार आइतबार बिहान ८ बजेर १३ मिनेटमा ६ म्याग्निच्युडको भूकम्प गएको थियो। 

२०७२ सालको भूकम्पपछि देशभरका विभिन्‍न स्थानमा पराकम्प जाने क्रम चलिरहेको छ।