नारायणगढ- पहिरो खसेसँगै अवरुद्ध भएको नारायणगढ-मुग्लिन सडक सुचारु भएको छ।
मुग्लिन सडकखण्डको लेदो पन्छाई दुईतर्फी बाटो सुचारु भएको प्रहरीले जनाएको छ। भरतपुर २९ घुमाउने नजिकै वर्षाका कारण लेदो खसेको थियो।
अहिले पहिरो पन्छाउने काम सकिएको जिल्ला प्रहरी कार्यालयका प्रहरी नायब निरीक्षक रविन विष्टले जानकारी दिए। गए रातिदेखि लगातार पानी परिरहेको छ।
पानी परिरहेकाले सजक भएर यात्रा गर्न र ओभरट्याक नगरी सवारी चलाउन प्रहरीले अनुरोध गरेको छ।