काठमाडौं– ट्राफिक प्रहरीले मादक पदार्थ सेवन गरेर बस चलाउने चालकलाई कारबाही गरेको छ।
स्कुल बस निर्देशिका २०७४ विपरीत ट्राफिक नियम उल्लंघन गर्ने विभिन्न स्कुलका सवारीसाधनलाई कारबाही तथा सचेत गराउने अभियान अन्तर्गत आइतबार बिहान काठमाडौं उपत्यकाका विभिन्न स्थानमा चेकजाँच गर्दा १६ वटा स्कुल बसलाई विभिन्न कसुरमा कारबाही गरेको छ।
यस अन्तर्गत विभिन्न स्कुलका पाँच जना चालकले मादक पदार्थ सेवन गरी स्कुल बस चलाएको भेटिएको जनाएको छ। चेकजाँच अभियानलाई निरन्तर सञ्चालन गरिने प्रवक्ता प्रहरी वरिष्ठ उपरीक्षक राजेन्द्र प्रसाद भट्टले जानकारी दिए।