अर्थमन्त्रीमा पुनः जनार्दन शर्मा नियुक्त हुने, आजै सपथको तयारी

काठमाडौं- नेकपा माओवादी केन्द्रका नेता जनार्दन शर्मा पुनः अर्थमन्त्रीमा नियुक्त हुने भएका छन्। 

नेकपा माओवादी केन्द्रका अध्यक्ष पुष्पकमल दाहाल प्रचण्डले आज बालुवाटार पुगेर प्रधानमन्त्री शेरबहादुर देउवालाई भेटेर माओवादीबाट अर्थमन्त्री नियुक्त गर्ने विषयमा छलफल गरेका छन्।

प्रचण्ड अर्थमन्त्रीमा जनार्दन शर्मालाई नै नियुक्त गर्ने प्रस्तावसहित बालुवाटार पुगेको माओवादी स्रोतले जनाएको छ।

पार्टीमा छलफल गरेर प्रचण्डले आजै शर्माको नाम प्रधानमन्त्री शेरबहादुर देउवालाई बुझाउँदैछन्। प्रधानमन्त्रीले शर्माको नाम शितल निवास पठाएपछि राष्ट्रपतिबाट आजै पद तथा गोपनियताको सपथ गराउने गरी तयारी थालिएको बताइएको छ।

बजेट निर्माणका क्रममा करका दर हेरफेरमा भूमिका खेलेको आरोपमा संसदीय छानबिन समिति गठन भएपछि शर्माले राजीनामा दिएका थिए। तर, संसदीय छानबिन समितिले शर्मालाई निर्दोष ठहर गरेको थियो।