साफ च्याम्पियनसिपको लागि राष्ट्रिय टिमको जिम्मेवारी महर्जनलाई 

काठमाडौं- अखिल नेपाल फुटबल संघ (एन्फा) ले भदौ १९ देखि बंगलादेशमा सुरु हुने साफ च्याम्पियनसिपका लागि बालगोपाल महर्जनलाई कार्यवाहक प्रशिक्षकको जिम्मेवारी दिएको छ।

एन्फाले प्रेस विज्ञप्ति जारी गर्दै जापानी प्रशिक्षक ग्योतोकु कोजी भिसा समस्याका कारण नेपाल आउन नसक्ने भएपछि जिम्मेवारी महर्जनलाई सुम्पने निर्णय गरेको हो। साफ च्याम्पियनसिपका लागि सहायक प्रशिक्षक रहँदै आएका महार्जनलाई कार्यवाहक जिम्मेवारी दिइएको हो।

इन्डोनेसियामा जारी फुटबलको समूह चरणबाटै बाहिरिएको यू २३ टोली सोमबार राती स्वदेश फर्कदा कोजी साथमा फर्केका थिएनन् आएनन्। नेपालको भिसा नभएका कारण उनी नआएका हुन्। 

साफ च्याम्पियनसिपका लागि नेपाली टोलीले बुधबारबाट प्रशिक्षण थालिसकेको छ। एसियाडमा सबै तीन खेल गुमाउँदै नेपाली युवा टोली स्वदेश फर्केको थियो। इन्डोनेसिया जानुअघि टोलीले थाइल्यान्डमा दुई अभ्यास खेल खेलेको थियो। जसमा सिनियर टोलीका केही खेलाडी सामेल थियो।