भारोत्तोलनका कमलको नयाँ राष्ट्रिय कीर्तिमान

इन्डोनेसिया- इन्डोनेसियाको जाकार्तामा जारी १८ औं एसियाड अन्तर्गतको पुरुष भारोत्तोलनमा कमलबहादुर अधिकारीले राष्ट्रिय कीर्तिमान बनाएका छन्। 

उनले पुरुष ६८ केजी तौल समूहमा स्न्याचमा ११९ केजी, क्लिन एन्ड जर्कमा १६० केजी गरी कुल २७९ केजी भार बहन गर्दै तीन नयाँ राष्ट्रिय कीर्तिमान बनाएका हुन्। 

यसअघि कमलले २०७१ मा स्न्याचमा ११८, क्लिन एन्ड जर्कमा १५५ को नयाँ कीर्तिमान बनाएका थिए । मंगलबार मात्रै महिलाको ५३ केजीमा सञ्जु चौधरीले तीन राष्ट्रिय कीर्तिमान बनाएकी थिइन्।

समूह ‘बी’ मा कामल छैटौं स्थानमा रहे । भोलि विकास थापाले ७७ केजीमा प्रतिस्पर्धा गर्नेछन् । त्यसपछि २६ अगष्टमा तारादेबी पुनले ७५ केजीमा भाग लिनेछिन्।