भदौ १ गतेदेखि बन्चरेमा फोहोर फाल्न नदिने सरोकार समितिको घोषणा

काठमाडौं- बन्चरेडाँडा ल्यान्डफिल प्रभावित क्षेत्रका सरोकारवालाले भदौ १ गतेदेखि काठमाडौं उपत्यकाको फोहोर विसर्जन गर्न निदिने  भएका छन्। बिहीबार पत्रकार सम्मेलन आयोजना गरी सरोकार समितिका अध्यष ज्ञानेन्द्र ढुंगानाले यस्तो बताएका हुन्। 

काठमाडौं उपत्यकाको फोहोर उपत्यकाभित्रै व्यवस्थापन गर्ने काठमाडौंका मेयर बालेन्द्र शाहले प्रतिबद्धता गरेको भन्दै समिति अध्यक्ष ढुंगानाले भदौदेखि बन्चरेमा फोहोर विसर्जन गर्न नदिएर प्रतिबद्धता कार्यान्वयनमा सहयोग गर्ने बताए।

'मेयर बालेन्द्र शाहले भदौदेखि काठमाडौंभित्र फोहोर व्यवस्थापन गर्छु भनेर भन्नुभएको छ,' समितिका अध्यक्ष श्रीराम ढुंगानाले भने, 'उहाँको त्यही योजनालाई साकार बनाउनका लागि हामी भदौ १ गतेदेखि बन्चरेमा फोहोर विसर्जन गर्न नदिने निर्णय गर्दै उहाँको योजनालाई सघाउने घोषणा गरेका हौं।'

सरोकारवाला समितिले बन्चरेडाँडामा फोहोर विसर्जन नगरेर फुटबल ग्राउन्ड बनाउन आग्रह गरेको छ। 'फोहोर नफालिएपछि त्यो ठाउँमा फुटबल ग्राउन्ड बनाउनुपर्छ,' उनले भने, 'भदौ १ गतेदेखि फोहोर विसर्जन रोकिने भएपछि अहिलेदेखि नै वैकल्पिक व्यवस्थापन गर्ने उपाय खोज्नका लागि भनेर हामीले पत्रकार सम्मेलनमार्फत जानकारी गराएका हौं।'