अफगानिस्तानमा बढे हैजाका बिरामी, ७ जनाको मृत्यु

अफगानिस्तानको दक्षिणी कान्दहार प्रान्तमा एक हप्तामा हैजाको प्रकोपका कारण कम्तीमा सात बालबालिकाले ज्यान गुमाएका छन्। अन्य ६६७ जनामा हैजाको सङ्क्रमण भेटिएको छ।

नेपाल समय | बिहीबार, साउन १२, २०७९

नेपाल समय

बिहीबार, साउन १२, २०७९

अफगानिस्तानमा बढे हैजाका बिरामी, ७ जनाको मृत्यु

काबुल- अफगानिस्तानको दक्षिणी कान्दहार प्रान्तमा एक हप्तामा हैजाको प्रकोपका कारण कम्तीमा सात बालबालिकाले ज्यान गुमाएका छन्। अन्य ६६७ जनामा हैजाको सङ्क्रमण भेटिएको छ।

सङ्क्रमणका कारण भएको मानवीय क्षतिबारे कान्दहारका चिकित्सक मोहम्मद दाउद आयुबीले बुधबार भने, 'एक हप्तामा कम्तीमा सात जनाको हैजाका कारण मृत्यु भएको छ। कूल नौ हजार ५०० बिरामीलाई स्वास्थ्य सेवा केन्द्रमा लगिएको छ। तीमध्ये ६६७ जनामा हैजा सङ्क्रमण देखिएको छ।'

हैजाको प्रकोपले यसअघि पनि छिमेकी हेलमन्ड प्रान्तमा २० जना बालबालिकाको ज्यान गएको थियो भने कान्दहार, हेलमन्ड र छिमेकी जाबुलमा सयौं सङ्क्रमित भएको र उत्तरी जावजन र कुन्दुजमा हजारौं व्यक्ति सङ्क्रमित भएको जनाइएको छ।

प्रकाशित: Jul 28, 2022| 00:15 बिहीबार, साउन १२, २०७९