काठमाडौंमा पैसा लुटेर भाग्दाभाग्दै प्रहरीको फन्दामा

काठमाडौं- काठमाडौं महानगरपालिका-३१ शान्तिनगर तरकारी बजारको गल्लीमा पैसा लुटेर भागिरहेको अवस्थामा दुई जना पक्राउ परेका छन्। सर्लाही हरिहरपुर नगरपालिका-९ घर भएका २३ वर्षीय पुरुषको नगद ६१ हजार रुपैयाँ लुटरे भागिरहेको अवस्थामा बुधबार बिहान उनीहरू पक्राउ परेको प्रहरीले जानकारी दिएको छ। 

पक्राउ पर्नेहरुमा ललितपुर सातदोबाटो बस्ने सिन्धुली सुनकोशी गाउँपालिका-४ घर भएका २८ वर्षीय दिनेश थापा र ललितपुर ईमाडोल बस्ने रामेछाप मन्थली नगरपालिका-७ घर भएका २६ वर्षीय विक्रम तामाङ रहेका छन्। 

वैदेशिक रोजगारीको सिलसिलामा साउदी अरबबाट फर्किएका ती पुरुष बसमा एयरपोर्टदेखि ललितपुर एकान्तकुनासम्म जाने क्रममा रहेका थिए। सोही बसमा सवार अपरिचित ५ जनाको समूहले नगद लुटपाट गरी तीनकुने गैरीगाउँमा झरेर भागे। भाग्ने क्रममा नै प्रहरीले उनीहरूलाई दुई जनालाई पक्राउ गर्न सफल भएको हो। प्रहरीले ती दुई जनाको साथबाट लुटिएको नगदसमेत बरामद गरेको छ। 

हाल फरार घटनामा संलग्न अन्य ३ जनाको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ।