यु-२० महिला विश्वकपमा उपाधिका लागी जापान र स्पेन भिड्दै

काठमाडौं- फिफा यु-२० महिला विश्वकप फुटबलको उपाधिका लागी एशियाली टोली जापान र युरोपियली टोली स्पेनबीच भिड्न्त हुने भएको छ। फाइनल खेल स्टाडे डेला रबिने मैदानमा बिहिबार साँझ हुनेछ।

जापानले क्वाटर फाइनलमा इंग्ल्यन्डलाई २-० गोलले पराजित गर्दै फाइनलमा स्थान बनाएको थियो। जापानले दुवै गोल पहिलो हाफमा गरेको थियो। खेलको २२ औं मिनेटमा युकीको गोल मार्फत जापानले अग्रता लिएको थियो। त्यसको पाँच मिनेट नबित्दै एन्डोले गोल गर्दै जापानको अग्रता दोब्बर पारीन।

दोस्रो हाफमा दुवै टोलीबाट गोल हुन नसक्दा जापानले खेल २-० ले जितेको थियो। 

त्यस्तै अर्को खेलमा स्पेनले आयोजक फ्रान्सलाई १-० ले पराजित गर्‍यो। पहिलो हाफमा गोलरहित बराबरी भएको खेलको ५१ औं मिनेटमा स्पेनले अग्रता लिएको थियो।
५१ औं मिनेटमा स्पेनकी पाट्रीले गोल गर्दै अग्रता दिलाइन। निकै नै प्रतिस्पर्धात्मक खेलमा त्यसपछि कुनै गोल हुन सकेन।
 
दुवै टोली एउटै समूहबाट क्रमशः स्पेन विजेता र जापान उपविजेता बन्दै नकआउट चरणमा प्रवेश गरेका थिए।