अमेरिकी राष्ट्रपति बाइडेनलाई कोरोना संक्रमण

उनलाई संक्रमण भएको पुष्टी व्हाइट हाउसकी प्रवक्ता करिन जीन–पियरेले गरेकी हुन्।

नेपाल समय | शुक्रबार, साउन ६, २०७९

नेपाल समय

शुक्रबार, साउन ६, २०७९

अमेरिकी राष्ट्रपति बाइडेनलाई कोरोना संक्रमण

biden

वासिङ्टन डिसी- अमेरिकी राष्ट्रपति जो बाइडेनलाई कोरोना संक्रमण भएको छ। उनलाई संक्रमण भएको पुष्टी व्हाइट हाउसकी प्रवक्ता करिन जीन–पियरेले गरेकी हुन्।

कोरोना संक्रमण भएपछि राष्ट्रपति बाइडेन आइसोलेसनमा बसेर काम गरिरहेको व्हाइट हाउसले जनाएको छ। उनले एन्टीभाइरल औषधी पनि लिइरहेको बताइएको छ।

अमेरिकी राष्ट्रपति जो बाइडेनकी पत्नी जिल बाइडनको कोरोना परीक्षण रिपोर्ट भने नेगेटिभ आएको छ। ‘७९ वर्षीय राष्ट्रपति बाइडेनमा कोरोनाको हल्का लक्षण देखिएको छ र उहाँले सबै आफ्नो काम गरिरहनु भएको छ,’ प्रवक्ता करिन जीन–पियरेले भनिन्।

राष्ट्रपति बाइडेन कोरोना निको नहुन्जेलसम्म आइसोलेसनमा रहने व्हाइट हाउसले जनाएको छ। राष्ट्रपति बाइडेनले यसअघि नै कोरोना भाइरसको खोपको बुस्टर डोज समेत लगाइसकेको उनका चिकित्सक डा. केविन ओ कोनोरले बताएका छन्। -सिन्ह्वा

प्रकाशित: Jul 22, 2022| 21:00 शुक्रबार, साउन ६, २०७९