साफ यू–२० नेपाली टोलीको घोषणा

काठमाडौं– भारतमा अर्को साता हुने साफ यू–२० फुटबल प्रतियोगिताका लागि नेपाली टोलीको घोषणा गरिएको छ। प्रशिक्षणमा रहेका ३० खेलाडीबाट २३ जना छनोट गरी टोली घोषणा गरिएको हो। नेपाली टोलीका प्रशिक्षक मेघराज केसीले  सोमबार अन्तिम टोलीको घोषणा गरेका हुन्।

नेपालले उद्घाटन खेल जुलाई २५ मा माल्दिभ्सविरुद्ध खेल्नेछ। त्यस्तै, नेपालले दोस्रो खेल श्रीलंकासँग जुलाई २७ मा खेल्नेछ। नेपालले भारतसँग जुलाई ३१ र अन्तिम खेल बंगलादेशसँग अगस्त २ मा खेल्नेछ। 

राउन्ड रोविन लिगका आधारमा सहभागी पाँच टोलीमध्ये शीर्ष दुई टोलीले फाइनल खेल्नेछन्। साफ च्याम्पियनसिपमा आयोजक भारत, नेपाल, माल्दिभ्स, श्रीलंका र बंगलादेशको सहभागिता रहनेछ।

नेपाली यू–२० टोली

गोलकिपर– ईश्वर गुरुङ, युनेश चौधरी, जियारथ शेख

रक्षक– अमर श्रेष्ठ, सोनित दाहाल, आयुष श्रेष्ठ, अजय चौधरी, सुमित श्रेष्ठ, सृजन धानी, रोशन थापा, अभिषेक वाइवा

मिडफिल्डर– दीपेश गुरुङ, आशीष राई, सन्दीप कार्की, जन्मजय धामी, मोहित गुरुङ, कृतिशरत्न छुन्जु, सुगम सुवाल, मनग्य नकर्मी, आयुष घलान

फरवार्ड– दीपेश राई, निराजन मल्ल, रोशन खड्गी।