स्कटल्यान्डसँग टस हारेर ब्याटिङ गर्दै नेपाल

काठमाडौं– नेपाल–स्कटल्यान्ड-नामिबिया सिरिजअन्तर्गत आजको खेलमा नेपालले टस हारेर ब्याटिङको निम्तो पाएको छ। यसअघि भएको पहिलो खेलमा नेपालले स्कटल्यान्डविरुद्ध ऐतिहासिक जित निकालेको थियो। 

आजको खेलका लागि नेपाली टिममा तीन परिवर्तन गरिएको छ। करण केसी टिममा फर्किएका छन्। हिजो भएको खेलमा उनको स्थानमा पवन सर्राफले खेलेका थिए। 

यस्तै बासिर अहमदको स्थानमा तीव्र गतिका बलर किशोर महतोले मौका पाएका छ्न्। जससँगै उनले एकदिवसीय खेलमा डेब्यू गर्ने भएका छन्। यस्तै अलराउन्डर आदिल अन्सारीको स्थामा विनोद भण्डारीले खेल्ने भएका छन्। 

आजको खेल जित्दै सिरिजको सुखद् अन्त्य गर्ने लक्ष्यमा नेपाल छ। आजको खेलमा जित निकाल्न सके नेपाल तालिकाको पाँचौं स्थानमा उक्लिने छ। हिजो नामिवियासँग पराजित भएपछि नेपाल छैटौं स्थानमा झरेको छ।

नेपाल, स्कटल्यान्ड र नामिबिया सम्मिलित सिरिजमा स्कटल्यान्ड र नामिबियाले समान २ जित निकाल्दै नेपालले १ खेल मात्र जितेको छ।