सहमहामन्त्री राठौरलाई रोक्दै देउवाले भने - तपाईं त पदाधिकारी हो नि यार!

काठमाडौं- नेपाली कांग्रेसको जारी केन्द्रीय समिति बैठकमा नेताहरुले स्थानीय तहको निर्वाचनको विषयलाई लिएर घोचपेच पनि गरेका छन्। केन्द्रीय सदस्य गोपाल दहितले अघिल्लो बैठकमा सहमहान्त्री किशोर सिंह राठौरलाई वडा जिताउन नसकेको भन्दै आलोचना गरेका थिए। आफ्नो वडामा कांग्रेस जिताउन सफल भएपनि राठौरले जिताउन नसकेको भन्दै उनले व्यंग्य गरेका थिए।

शनिबारको बैठकमा बोल्दै राठौरले दहितलाई जवाफ फर्काएका हुन्। उनले भने, '१० वटा पार्टी चाहार्दै आएको मान्छेले मेरो डिग्‍निटीमाथि प्रश्न उठाउने? मेरो वडाको चुनावी समीकरण र वस्तुगत स्थिति फरक थियो, जुन तपाईंलाई थाहा छैन। पार्टी फेर्दै हिड्नेले मेरोबारेमा प्रश्न उठाउने?'

प्रतिपक्षले समेत औंला उठाउने नसकेको मान्छेलाई १० वटा पार्टी चाहार्नेले प्रश्न उठाएको भन्दै राठौर आक्रोशित बनेपछि सभापति देउवाले रोकेका थिए। देउवाले राठौंरलाई सम्झाउँदै भने- 'तपाईं त पदाधिकारी हो नी यार! केन्द्रीय सदस्यलाई थर्काउन भएन नी!' 

राठौर र दहित दुबै बर्दियाकै नेता हुन्।