कांग्रेस बैठकमा आज पदाधिकारीले धारणा राख्ने

नेपाली कांग्रेसको केन्द्रीय कार्यसमिति बैठक आज पनि बस्ने भएको छ। पार्टी केन्द्रीय कार्यालय सानेपामा दिउँसो १ बजेदेखि बैठक सुरु हुनेछ।

नेपाल समय | शनिबार, असार ३२, २०७९

नेपाल समय

शनिबार, असार ३२, २०७९

कांग्रेस बैठकमा आज पदाधिकारीले धारणा राख्ने

काठमाडौं- नेपाली कांग्रेसको केन्द्रीय कार्यसमिति बैठक आज पनि बस्ने भएको छ। पार्टी केन्द्रीय कार्यालय सानेपामा दिउँसो १ बजेदेखि बैठक सुरु हुनेछ।

आजको बैठकमा पार्टीका शीर्ष नेता एवं पदाधिकारीले धारणा राख्ने कार्यसूची रहेको छ।

यसअघि बैठकमा पार्टी र समसामयिक राजनीतिका विषयमा पार्टी केन्द्रीय सदस्यले आफ्ना भनाइ राखेका थिए। गत बिहीबारको बैठकमा केन्द्रीय सदस्यले भनाइ राख्ने क्रम सकिएपछि आज पदाधिकारीले धारणा राख्ने भएका हुन्।

केन्द्रीय सदस्यहरूले लोकप्रिय हुन पार्टीको आलोचना गरेको र गुटको बैठकमा सहभागी भएको भन्दै महामन्त्रीद्वय गगन थापा र विश्वप्रकाश शर्माको आलोचना गरेका थिए। उनीहरूले पार्टीका तर्फबाट सरकारमा सहभागी मन्त्रीको कामकारबाहीबारे पनि प्रश्न उठाएका थिए।

पदाधिकारीले आजदेखि केन्द्रीय सदस्यले उठाएका प्रश्नमाथि धारणा राख्नेछन्।

प्रकाशित: Jul 16, 2022| 08:55 शनिबार, असार ३२, २०७९