रियलको जितमा बेलको उत्कृष्ट प्रदर्शन 

एजेन्सी- स्पेनिस ला लिगा फुटबलमा रियल मड्रिडले विजयी शुरुवात गरेको छ । घरेलु मैदान सान्टियागो बर्नबेउमा भएको खेलमा गेटाफेलाई २-० ले पराजित गर्दै रियलले विजयी शुरुवात गरेको हो ।  रियललाई जिताउन ग्यारेथ बेल र डेनी कार्भाहलले एक एक गोल गरे ।

खेलको २० औं मिनेटमा कार्भाहलको हेड गोल रियलले अग्रता लिएको थियो । पहिलो हाफमा १-० को अग्रता बनाएको रियलले दोस्रो हाफमा थप एक गोल गर्न सफल भयो । ५१ औं मिनेटमा ग्यारेथ बेलले गोल गर्दै रियलको अग्रता दोब्बर पारे। 

यसपटक अघिल्लो गोलको लागि पास मिलाएका बेलले मार्को एसेन्सियोको पासमा डि–बक्सभित्रबाट गोल गरेका थिए । ५३ औं मिनेटमा एसेन्सियोको प्रहार बारमा लाग्दा रियलले गोल अन्तर बढाउने अवसर गुमायो ।

गेटाफेविरुद्ध खेलमा पकड जमाएपनि थप गोल गर्न नसक्दा रियलले २-० को जित निकाल्न सफल भयो ।