टाउनमाथि सिटीको रोमाञ्चक जित

एजेन्सी-इंग्लिस प्रिमियर लिग फुटबलमा म्यान्चेस्टर सिटीले हडर्सफिल्ड टाउनमाथि रोमाञ्चक जित निकालेको छ । सिटीको घरेलु मैदान इतिहादमा आइतबार राति भएको खेलमा सिटीले टाउनलाई ६-१ को रोमञ्चक जित निकालेको हो । 

सिटीका लागि सर्जियो अग्युरोले तीन तथा गाब्रिएल जेसस र डेभिड सिल्भाले समान एक एक गोल गरे । शुरुवाती समय देखिनै दबाबमा राखेको सिटीका लागि खेलको २५ औं मिनेटमा अग्युरोको गोल गर्दै अग्रता दिलएको थियो । 

३१ औं मिनेटमा जेससले गोल गर्दै सिटीको अग्रता दोब्बर पार्दा, त्यसको चार मिनेट नबित्दै अग्युरोले व्यक्तिगत दोस्रो गोल गर्दै सिटीको अग्रता तेब्बर बनाए । तर, ४३ औं मिनेटमा टाउनका जोन गोरेन्क स्टान्कोभिकले एक गोल फर्काए । 

पहिलो हाफ ३-१ को अग्रता लिएको सिटीले खेलको ४८ औं मिनेटमा सिल्भाको गोल मार्फत ४-१ को अग्रता बनायो । अग्युरोले ७५ औं मिनेटमा पुनः व्याक्तिगत तेस्रो गोल गर्दै सिटीलाई ५-१ को अग्रता दिलाए । तर, ८४ औं मिनेटमा टाउनले आत्मघाती गोल गर्दै सिटीले ६-१ को सहज जित निकालेको हो । यसअघि सिटीले आर्सनलमाथि २-० ले जितेको थियो ।