वाटफोर्डले बर्निलमाथि वाटफोर्डको सहज जित

एजेन्सी-इंग्लिस प्रिमियर लिग फुटबलमा वाटफोर्डले बर्निलमाथि सहज जित निकालेको छ । आइतबार राती भएको खेलमा वाटफोर्डले उसैको घरेलु मैदान टुर्फ मुरमा बर्निललाई ३-१ ले पराजित गरेको हो।

वाटर्फोडका लागि आन्द्रे ग्रेए, ट्रोए डेनिइ र विल  हुगेसले समान एक-एक गोल गरे । बर्निलका लागि जेम्स टर्कोक्सीले एक गोल फर्काए । 

खेलको तीन मिनेटमानै ग्रेएको गोल मार्फत वाटफोर्डले अग्रता लिएको थियो । तर, त्यसको तीन मिनेट नबित्दै बर्निलका लागि टर्कोक्सीले गोल फर्काउदै खेल १-१ को स्थितीमा ल्याएका थिए । 

पहिलो हाफ १-१ को बराबरीमा रोकिएको खेलको ४८ औं मिनेटमा वाटर्फोडका लागि डेनिइले एक गोल गरे । उनले डोउकोउरेको पासमा गोल गर्दै बर्निलमाथि २-१ को अग्रता बनाए । त्यस्तै ५१ औं मिनेटमा हुगेसले गोल गर्दै वाटर्फोडलाई ३-१ को सहज जित दिलाए । 

त्यसपछि दुबै टिमबाट कुनै गोल नहुदा वाटफोर्डले बर्निलमाथि३-१ को सहज जित निकालेको हो ।