आज संसदमा नागरिकता विधेयक निर्णयार्थ प्रस्तुत गरिने

प्रतिनिधिसभाको आज बस्ने बैठकमा नागरिकता विधेयक निर्णयार्थ प्रस्तुत गरिने भएको छ। बैठक दिउँसो १ बजेका लागि आह्वान गरिएको छ।

नेपाल समय | शुक्रबार, असार ३१, २०७९

नेपाल समय

शुक्रबार, असार ३१, २०७९

फाइल फोटो

काठमाडौं- प्रतिनिधिसभाको आज बस्ने बैठकमा नागरिकता विधेयक निर्णयार्थ प्रस्तुत गरिने भएको छ। बैठक दिउँसो १ बजेका लागि आह्वान गरिएको छ।

११औं अधिवेशनको ४१औं बैठक बस्न लागेको हो। नयाँ बानेश्वरस्थित संघीय संसद् भवनमा बैठक बस्नेछ।

बैठकमा ‘नेपाल नागरिकता (पहिलो संशोधन) विधेयक, २०७९ माथि विचार गरियोस्’ भन्ने प्रस्तावमाथिको छलफल जारी रहनेछ।

यस्तै, सभामुख अग्निप्रसाद सापकोटाले ‘नेपाल नागरिकता (पहिलो संशोधन) विधेयक, २०७९ माथि विचार गरियोस्’ भन्ने प्रस्तावलाई निर्णयार्थ प्रस्तुत गर्ने सम्भावित कार्यसूची रहेको प्रतिनिधिसभाका सचिव गोपालनाथ योगीले बताए।

प्रकाशित: Jul 15, 2022| 06:56 शुक्रबार, असार ३१, २०७९