काठमाडौं– सत्तारुढ नेकपा माओवादी केन्द्रका पुष्पकमल दाहाल आउँदो शुक्रबार भारतको राजधानी नयाँ दिल्ली जाने भएका छन्।
सत्तारुढ भारतीय जनता पार्टी (भाजपा) को निम्तोमा दाहाल शुक्रबार दिल्ली जान लागेको उनको सचिवालयले बताएको हो।
सचिवालयका अनुसार दाहाल भाजपाले आयोजना गर्ने शिखर सम्मेलनमा सहभागी हुनेछन्। यद्यपि भारत भ्रमणका अन्य कार्यक्रमबारे भने सचिवालयले जानकारी दिएको छैन।
तर दाहालले दिल्ली दौडाहाका क्रममा उच्चस्तरीय भेटवार्ता गर्ने बताइएको छ। भारतीय प्रधानमन्त्री नरेन्द्र मोदीलगायतका नेताहरूसँग पनि दाहालले भेट गर्नेछन्।
यतिबेला प्रधानमन्त्री पत्नी आरजु राणा पनि भारत भ्रमणमै रहेकी छन्।