एशियाडबाट बाहिरियो नेपाली फुटबल टिम

काठमाडौं- नेपाली युवा टोली इन्डोनेसियामा जारी १८ औं एसियाली खेलकुदको पुरुष फुटबलको समूह चरणबाट बाहिरिएको छ। समूहकै कमजोर मानिएको पाकिस्तानसँगको समूहको अन्तिम खेल २-१ गोलले गुमाएसँगै नेपाल समूह चरणबाटै बाहिरिएको हो।

प्याट्रिओट चन्द्रभागा स्टेडियममा १२ औं मिनेटमा आत्मघाती गोलबाट अग्रता लिएपनि नेपाली टोली त्यसलाई जोगउन असफ रह्यो। युनुस सहबाजको आत्मघाती गोलमा नेपालले अग्रता लिएको थियो। तर, ५४ औं मिनेटमा पाकिस्तानका लागि विलाल मोहम्मदले बराबरी गोल फर्काएका थिए। 

७२ औं मिनेटमा हुसेन सद्दामले पेनाल्टीमा गोल गर्दै पाकिस्तानले जित हासिल गरेको थियो। समूह चरणको सुरुवाती दुई खेलमा नेपाल जापानसँग १-० र भियतनामसँग २-० ले पराजित भएको थियो।