पीएसजीको जितमा नेयमार र बाप्पेको गोल

फ्रान्‍स- पेरिस सेन्ट जर्मेन (पीएसजी) ले फ्रालान्सेली लिग वानमा सहज जित निकालेको छ। शनिबार राति भएको खेलमा पीएसजीले गुईनग्यापमाथि ३-१ को जित निकालेको हो। 

पीएसजीका लागि बैकल्पिक खेलाडीको रुपमा मैदान छिरेका केलियन एम्बाप्पेले दुई र ब्राजिलियन स्टार खेलाडी नेयमारले एक गोल गरे। पहिलो हाफमा एक शुन्यले पछाडी परेको स्थितीलाई उल्ट्यादै पीएसजीले गुईनग्यापमाथि सहज जित निकालेको हो। 

गुईनग्यापले खेलको २० औ मिनेटमा नोलन रोक्सको गोलमार्फत अग्रता बनाएको थियो। तर, खेलको ५३ औ मिनेटमा पेनाल्टीमा नेयरमाले गोल गर्दै खेल बराबरीमा ल्याए। 

खेलको ८२ औ मिनेटमा एन्जल डी मारियाको पासलाई सदुपयोग गर्दै एम्बाप्पेले गोल गरेका थिए। खेलको अन्तिम मिनेटमा नेयमारको पासमा व्यक्तिगत दोस्रो गोल गर्दै एम्बाप्पेले पीएसजीलाई महत्वपुर्ण तीन अंक दिलाए।