भारतमा कोरोना भाइरसबाट थप झण्डै १९ हजार संक्रमित

सरकारी अधिकारीहरूले शनिबार दिएको जानकारी अनुसार थप १८ हजार ८४० जना कोरोना भाइरसबाट संक्रमित भएका हुन्।

नेपाल समय | शनिबार, असार २५, २०७९

नेपाल समय

शनिबार, असार २५, २०७९

नयाँ दिल्ली- भारतमा कोरोना भाइरसबाट थप झण्डै १९ हजार जना संक्रमित भएका छन्। सरकारी अधिकारीहरूले शनिबार दिएको जानकारी अनुसार थप १८ हजार ८४० जना कोरोना भाइरसबाट संक्रमित भएका हुन्।

योसँगै भारतमा अहिलेसम्म कुल संक्रमितको संख्या चार करोड ३६ लाख चार हजार ३९४ पुगेको संघीय स्वास्थ्य मन्त्रालयले जनाएको छ।

पछिल्लो एक दिनमा देशभर कुल चार लाख ५४ हजार ७७८ जनाको कोरोना परीक्षण गरिएको पनि मन्त्रालयका अधिकारीहरूले जनाएका छन्। भारतमा पछिल्लो समयमा सक्रिय संक्रमितहरुको संख्यामा पनि वृद्धि भएको देखिएको मन्त्रालयले जनाएको छ। पछिल्लो ४ महिनामा अहिले सबैभन्दा धेरै देखिएका हुन्।

सोही अवधिमा कोरोना भाइरसका कारण भारतमा थप ४३ जनाको मृत्यु भएको छ। योसँगै कुल मृतकको संख्या पाँच लाख २५ हजार ३४६ पुगेको छ। -एएनआई