एशियाडका खेलाडीद्वय मिन र अशिमको विदाई

काठमाडौं- थकाली सेवा समिति र थासाङ स्पोर्टस् क्लबले इन्डोनेसिया हुने १८ औं एशियाडमा सहभागि हुन जाने खेलाडीद्धोय मिनप्रसाद गौचन र अशिम शेरचनलाई शुत्रवार बिदाई गरेको छ।  

थकाली सेवा समिति केन्द्रिय अध्यक्ष कृष्णकुमारी शेरचन र आयोजक थासाङ स्पोर्टस् क्लबका अध्यक्ष कृष्ण शेरचनलगायतले खेलाडीलाई शुभकामना दिदै बिदाई गरे। 

आर्चरीमा पुरुषतर्फ मिनप्रसाद गौचन, अशिम शेरचन, रोशन नगरकोटी र तिलक पुनमगर शनिवार त्यसतर्फ जादैछन्। पुरुषमा ब्यक्तिगत र टिम इभेन्टमा प्रतिस्पर्धा हुने छ भने उत्कृष्ट एक पुरुष खेलाडीले मिक्स डबलमा पनि प्रतिस्पर्धा गर्ने छन्। 

महिलातर्फ भने ज्ञानु अवालेले एकल र मिक्स डबलमा प्रतिस्पर्धा गर्ने छिन् । टिम प्रशिक्षकमा नेपाल आर्चरी संघका अध्यक्ष पूर्व राष्ट्रिय खेलाडी दिपकराज गुरुङ र ब्यवस्थापकमा महासचिव रमेशप्रसाद शिवाकोटी रहेका छन्।