इन्डोनेसिया- इन्डोनेसियामा आयोजना हुने १८ औं एसियाडमा सहभागी हुन जाने नेपाली एथलेटिक्स टोलीलाई काठमाण्डौं जिल्ला एथलेटिक्स संघले विदाई गरेको छ।
संघले उक्त टोलीलाई शुक्रबार दशरथ रङ्गशालामा एक कार्यक्रमकाबीच विदाई गरेको हो। एशियाडमा नेपालको तर्फबाट एथलेटिक्समा ४ पुरुष र दुई महिला खेलाडीहरु नेपालको चुनौती प्रस्तुत गर्नेछन्।
सहभागी हुने खेलाडीहरुमा पुरुष तर्फ यम साजन सुनार, गोपीचन्द्र पार्की, कृष्ण बस्नेत र सोम बहादुर कुमाल तथा महिला तर्फ सरस्वती भट्टराई र विश्वरुपा बुढा रहेका छन्।
त्यस्तै टिम व्यवस्थापकमा राष्ट्रिय खेलकुद परिषद्की सदस्य शान्ति सिंह र प्रशिक्षकमा प्रमुख प्रशिक्षक अमिरी प्रसाद यादव रहेका छन्। एथलेटिक्स एशियाडमा भाद्र ९ गते देखि ११ गते सम्म चल्ने छ।
प्रकाशित: Dec 31, 2017| 18:23 आइतबार, पुस १६, २०७४