गोल्डेनपीक अन्तर विद्यालय बास्केटबल हुने 

काठमाडौं–सातौं गोल्डेनपीक अन्तर बिद्यालय बास्केटबल प्रतियोगिता भदौ ४ गते देखि सुरु हुने भएको छ । गोल्डेनपीक स्कुलको आयोजनामा हुने उक्त प्रतियोगिता भदौ ४ देखि ९ गते सम्म सञ्चालन हुने छ ।

प्याब्सनका उपत्यका प्रदेश अध्यक्ष थकिनकुमार गुरुङले विद्यार्थीहरुको मानसिक, शारीरिक तथा चौतर्फी विकासका लागि खेलकुद अपरिहार्य भएको बताए । गुरुङले नेपाली खेलकुदको विकास र बिस्तारका लागि राज्यले बिद्यालय खेलकुदलाई प्राथमिकतामा राख्नुपर्ने सुझाब दिए । प्रतियोगिता सिनियर छात्र र जुनियर छात्रगरी दुई स्पर्धामा  खेल सञ्चालन हुने आयोजक गोल्डेनपीक स्कुलका प्रिन्सिपल छत्रमणि राईले जानकारी दिए । 

प्रतियोगिताको छात्र जुनियरतर्फ ४ फिट १० इन्च मुनी उचाई भएका खेलाडीले मात्र सहभागिता जनाउन पाउने प्रतियोगिता संयोजक पुर्ण न्यौपानेले जानकारी दिए । 
प्रतियोगितामा दुवै समूहका सहभागि १२ टिमलाई चार समूहमा बिभाजन गरि लिगकम नकाउटका आधारमा संचालन हुने छ ।