नेपाल भारतसँग पराजित

काठमाडौं- नेपाल भुटानमा जारी साफ यू-१५ महिला फुटबल च्याम्पियनसिपको सेमिफाइनलबाट बाहिरिएको छ। 

बिहिबार भएको सेमिफाइनलमा भारतसँग २-१ गोलले पराजित हुँदै नेपाल प्रतियोगिताबाट बाहिरिएको हो। थिम्पुस्थित चाङलिमिथाङ मैदानमा भारतका लागि ल्याण्डा कोम र क्रिटिना देवीले समान १–१ गोल गरिन् । त्यस्तै नेपालकी रजनी थोकरले एक गोल फर्काइन्। 

पहिलो हाफको ३१ औं मिनेटमा कोमले गोल गर्दै भारतलाई सुरुवाती अग्रता दिलाईन्। खेलको ३७ औं मिनेटमा नेपालकी रजनीले गोल गर्दै खेल १–१ को बराबरीमा ल्याईन्। तर, खेलको ७५ औं मिनेटमा क्रिटिनाले गोल गर्दै भारतलाई २-१ को जित दिलाईन्। 

जितसंगै भारत फाइनलमा प्रवेश गरेको छ । भारतले अब फाइनलमा भुटान र बंगलादेशबीचको बिजेतासंग खेल्ने छ। समूह बी मा रहेको नेपाल समूह उपबिजेता बन्दै सेमिफाइनलमा प्रवेश गरेको  थियो ।  भारत समूह ए को बिजेता बन्दै सेमिफाइनलमा पुगेको थियो।

यसअघि नेपालले समूह चरणको पहिलो खेलमा पाकिस्तानलाई ४-० ले हराएको थियो। तर, नेपाल दोस्रो खेलमा बंगलादेशसंग ३-० ले पराजित भएको थियो।