जर्मनीका युवा खेलाडी केहरेर पिएसजीमा अनुबन्ध

जर्मनी- पेरिस सेन्ट जर्मेन (पिएसजी) ले जर्मनीका युवा खेलाडी थिलो केहरेरलाई अनुबन्ध गरेको छ। केहरेरलाई पिएसजीले एफसी साल्केबाट ३३ मिलियन पाउण्डमा अनुबन्ध गरेको हो। 

जर्मनी यु-२१ का डिफेन्डर केहरेरसँग पिएसजीले पाँच बर्षे सम्झौता गरेको छ। २१ बर्षीय उनी लिग–१ मा २०२३ सम्म रहने छन् । वर्तमान र भविष्यका लागि उनी पार्क डेस प्रिन्सेसमा एक उपयोगी खेलाडीको रुपमा हेरीएको छ।

केहरेरलाई फ्रान्स क्लबले उनको बिकासका लागि एक मौका दिएको छ। युवालाई एक महत्वकांक्षी क्लबमा सहभागी हुन उत्साहित गरेको छ । युरोपमा सबैलाई थाहा छ की पिएसजी कती मजबुद र रोमाञ्चक छ भनेर। 

केहरेरले भने, ‘आफ्नो प्रदर्शनलाई जारी राख्न र आफ्नो उद्देश्य सम्म पुग्नका लागि यो राम्रो ठाउ हो।’ उनले थपे, ‘म एक असाधारण टिममा जादै छु। जहाँ एक प्रशिद्ध प्रशिक्षक छन् । जसले यसै बर्ष जर्मनिमा राम्रो काम गरेका छन्।’ उनले टिमलाई आफ्नो महत्वपुर्ण साथ दिने बताएका छन्।