रियल र एथलेटिको युइएफए सुपर कपमा भिड्दै 

स्पेन- क्रिस्टियानो रोनाल्डोबिना रियल मड्रिड आफ्नो पहिलो प्रतिद्‍वन्दी एथलेटिको मड्रिडसँग बुधबार साँझ युइएफए सुपर कपमा भिड्दै छ। 

रियल एथलेटिकोसँग पहिलो पटक युइएफए सुपर कपमा भिड्न लागको हो। यी दुई टोली युरोपियन प्रतिस्पर्धामा १० औं पटक आमनेसामले हुँदै छन्। तर, युइएफए सुपर कपमा भने दुबै टोलीको पहिलो पटक भेट हो। 

यस अघिका ९ ओटा खेलमा रियलले ५ खेलमा जित्दा दुई खेल गुमाएको थियो भने २ खेल बराबरी खेलेको थियो।

रियलले युइएफए सुपर कपको उपाधि चार पटक जितेको छ भने एथलेटिकोले दुई पटक युइएफए सुपर कपको उपाधि जितेको छ। रियलले २००२, २०१४, २०१६ र २०१७ गरि चार पटक युइएफए सुपर कपको उपाघि जितेको हो। 

त्यस्तै एथलेटिकोले २०१० र २०१२ मा युइएफए सुपर कपको उपाघि जितेको थियो । यो खेल युइएफए च्याम्पियन्स लिग विजेता र युइएफए युरोपा लिग विजेताबीच हुने गर्दछ।