कार्यसूची बदलेर सदनमा मल संकटबारे छलफल

प्रतिनिधिसभाको आज सोमबारको बैठकको कार्यसूची हटाएर रासायनिक मलमाथि छलफल सुरु भएको छ। यो प्रस्तावमा दुई घण्टा छलफल हुनेछ।

नेपाल समय | सोमबार, जेठ ३०, २०७९

नेपाल समय

सोमबार, जेठ ३०, २०७९

काठमाडौं– प्रतिनिधिसभाको आज सोमबारको बैठकको कार्यसूची हटाएर रासायनिक मलमाथि छलफल सुरु भएको छ। यो प्रस्तावमा दुई घण्टा छलफल हुनेछ।

प्रमुख प्रतिपक्षी दल नेकपा एमालेले संसद्‌मा आजको कार्यसूची स्थगनको प्रस्ताव दर्ता गराएपछि कार्यसूची स्थगन गरिएको हो।

संसद्‌मा जारी बजेटमाथिको छलफल रोकेर मलको बारेमा छलफल गर्न माग गर्दै एमालेले स्थगनको प्रस्ताव दर्ता गराएको हो। एमालेका प्रमुख सचेतक विशाल भट्टराईसहित १५ सांसदले संथगनको प्रस्ताव दर्ता गराएका हुन्।

किसानले समयमा मल नपाएको र सरकार त्यस विषयमा गम्भीर नभएको भन्दै एमालेले स्थगनको सूचना संसद् सचिवालयलाई दिएको छ। उक्त प्रस्तावमाथि संसद्‌मा छलफल सुरु भएको छ।

प्रकाशित: Jun 13, 2022| 11:55 सोमबार, जेठ ३०, २०७९