एमालेको सचिवालय बैठक बस्दै, के-के छन् एजेन्डा?

नेकपा एमालेको सचिवालय बैठक सोमबार दिउँसो १ बजे पार्टी केन्द्रीय कार्यालय च्यासलमा बस्ने भएको छ।

नेपाल समय | सोमबार, जेठ ३०, २०७९

नेपाल समय

सोमबार, जेठ ३०, २०७९

एमालेको सचिवालय बैठक बस्दै, के-के छन् एजेन्डा?

काठमाडौं- नेकपा एमालेको सचिवालय बैठक सोमबार दिउँसो १ बजे पार्टी केन्द्रीय कार्यालय च्यासलमा बस्ने भएको छ।

गत वैशाख ३० मा भएको स्थानीय चुनावको समीक्षा गर्न बैठक बस्न लागेको हो। एमाले उपमहासचिव प्रदीप ज्ञवालीका अनुसार आजको बैठकमा स्थानीय निर्वाचनको समीक्षा मुख्य एजेण्डा रहे पनि त्यसबाहेक गठन हुन बाँकी विभागको विस्तार र नवनिर्वाचित जनप्रतिनिधिको प्रशिक्षणका विषयमा पनि बैठकमा छलफल हुनेछ। जनप्रतिनिधिलाई असार २ र ३ मा प्रशिक्षण दिने विषयमा पनि बैठकमा छलफल हुने बताइएको छ।

आइतबार बसेको केन्द्रीय कार्यालय बैठकले चुनाव समीक्षालगायत एजेन्डा तय गरेको थियो। एमालेले चुनाव भएका ७५२ मध्ये २०५ पालिका प्रमुख जितेको थियो।

एमाले उपमहासचिव विष्णु रिमालको संयोजकत्वमा तयार भएको चुनावी समीक्षा रिपोर्ट सचिवालयको बैठकमा पेस गरिने छ।

प्रकाशित: Jun 13, 2022| 06:42 सोमबार, जेठ ३०, २०७९