दक्षिण अफ्रिका सामू भारत लगातार दोस्रो पटक पराजित

काठमाडौं- टी–२० सिरिजमा दक्षिण अफ्रिकाले भारतमाथि लगातार दोस्रो जित निकालेको छ। 

गएराति उडिसाको कटक स्डेडियममा भएको  सिरिजको दोस्रो खेलमा दक्षिण अफ्रिकाले भारतलाई ४ विकेटले पराजित गर्दै लगातार दोस्रो जित हासिल गरेको हो।

भारतले दिएको १४९ रनको लक्ष्य दक्षिण अफ्रिकाले ६ विकेट गुमाउँदै १० बल बाँकी रहँदै लक्ष्य पूरा गरेको थियो। 

यसअघि टस हारेर पहिला ब्याटिंग गरेको भारतले २० ओभरमा ६ विकेट गुमाउँदै १४८ रन बनाएको थियो। जितपछि ५ खेलको सिरिजमा दक्षिण अफ्रिकाले २–० को अग्रता लिएको छ। सिरिजको तेस्रो खेल मंगलबार हुने छ।