नेसन्स लिगमा पोर्चुगल र स्पेनको जित, बराबरीमा रोकियो नर्वे

काठमाडौं- युरोपमा जारी यूईएफए नेसन्स लिगमा पोर्चुगल र स्पेनले जित निकलेका छन्। बिहीबार राति स्विट्जरल्यान्डको मैदानमा सम्पन्न भएको खेलमा पाहुना टिम स्पेनले घरेलु टिमलाई १–० गोलले हराएको हो।

स्विट्जरल्यान्डलाई हराउन स्पेनका पावलो सराबियाले खेलको १३औं मिनेटमै गोल गरेका थिए। त्यसपछि खेलमा कुनै गोल नभएपछि ६६ प्रतिसत बल पोसेसन राख्दै स्पेनले जित निकालेहो हो।

पराजित भए पनि स्विट्जरल्यान्डले ७ पटक स्पेनको पोस्टतर्फ प्रहार गरेका थियो। तर गोल गर्न भने सकेन।

यता, पोर्चुगेलले भने घरेलु मैदानमा चेक रिपब्लिकलाई २–० गालले हराएको छ। पोर्चुगललाई जित दिलाउन बर्नान्डो सिल्वाको पासमा जोआ क्यान्सेलो र गोन्कालो गुडेसले गोल गरेका थिए। यि दुवै खेलाडीले पहिलो हाफमा गोल गरेका हुन्।

गएरातिकै खेलमा सर्बियाले स्विडेनमाथि १–० को जित निकालेको छ भने नर्वे स्लोभेनियासँग गोलरहित बराबरीमा रोकिएको छ।

त्यस्तै, ग्रिसले साइप्रससँग ३–० को हार बेहोरेको छ।