मतपरिणामबारे के छ कांग्रेसको अध्ययन? यस्तो छ निष्कर्ष

काठमाडौं- नेपाली कांग्रेसले स्थानीय तह निर्वाचन २०७९ को मतपरिणामका विषयमा अध्ययन गरेको छ।

कांग्रेसले गठन गरेको अनुगमन, मूल्याङ्कन तथा सुपरीवेक्षण उपसमितिले स्थानीय निर्वाचन २०७९ र त्यसको परिणामबारे गरेको अध्ययन निर्वाचन परिचालन समितिलाई बुझाएको हो।

समितिका प्रदीप पौडेलले उपसमितिको प्रतिवेदन समिति संयोजक पूर्णबहादुर खड्कालाई हस्तान्तरण गरेको हो। 

कांग्रेस कमजोर भएका स्थानमा मात्र  मात्र गठबन्धन गरिएको अध्ययनमा उल्लेख छ। कांग्रेस बलियो भएका स्थानमा आन्तरिक कमजारी देखिएको समेत प्रतिवेदनमा उल्लेख छ। यस्तै आन्तरिक कमजोरी व्यवस्थापन गर्न सकेको भए र गठबन्धनलाई थप कसिसो बनाएको भए ४५० तह सकिने दाबी प्रतिवेदनमा छ। 

'महानगर र उपमहानगरको नतिजा सन्तोषजनक भएन। हाम्रो समितिले पार्टीले दिएको जिम्मेवारी अनुसार काम गरेका हौँ। यो प्रतिवेदन तथ्यमा आधारित छ। त्यसकारण पार्टीले यसलाई कार्यान्वयन गर्छ, केन्द्रीय समितिमा यसबारेमा छलफल हुन्छ,' प्रतिवेदन सार्वजनिक गर्दै प्रदीप पौडेलले भने।