फोहोर फाल्ने सकस : अवरोध हटाउन लाठीचार्ज र अश्रुग्यास [तस्बिरहरू]

फोहोर फाल्न भनेर काठमाडौंबाट गएका गाडीमा स्थानीयले अवरोध पुर्‍याएपछि नुवाकोटको बञ्चरेडाँडामा ठूलो संख्यामा सुरक्षाकर्मी परिचालन भएका छन्।

दिनेश श्रेष्ठ | बुधबार, जेठ २५, २०७९

दिनेश श्रेष्ठ

बुधबार, जेठ २५, २०७९

फोहोर फाल्ने सकस : अवरोध हटाउन लाठीचार्ज र अश्रुग्यास [तस्बिरहरू]

काठमाडौं– फोहोर फाल्न भनेर काठमाडौंबाट गएका गाडीमा स्थानीयले अवरोध पुर्‍याएपछि नुवाकोटको बञ्चरेडाँडामा ठूलो संख्यामा सुरक्षाकर्मी परिचालन भएका छन्।

बुधबार बिहानैदेखि बञ्चरेडाँडामा फोहोर फाल्न स्थानीयले अवरोध पुर्‍याएका हुन्। स्थानीय विरोध गर्दै सडकमा उत्रिएपछि प्रहरीले बल प्रयोग गरेको छ। अवरोध हटाउन प्रहरीले लाठीचार्ज गर्नुका साथै अश्रु ग्यास समेत प्रयोग गरेको छ।

प्रहरीको टोली काठमाडौंबाटै परिचालन भएको बताइएको छ।

काठमाडौं महानगरपालिका, सहरी विकास मन्त्रालय र काठमाडौं, धादिङ र नुवाकोटका जनप्रतिनिधिबीच सहमति भएपछि फोहोर उठाउन थालिए पनि विसर्जन गर्ने स्थानमा स्थानीय बासिन्दाले अवरोध गर्दै आएका छन्।