निको हुनेभन्दा तीन गुणा बढी कोरोना संक्रमित थपिए

काठमाडौं- पछिल्लो २४ घण्टामा नेपालमा २८ जनामा कोरोना संक्रमण पुष्टि भएको छ। निको हुनेको संख्या भन्दा ३ गुणाले बढी संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार ९ जना संक्रमणमुक्त भएका छन्। पछिल्लो २४ घण्टामा २ हजार १२० जनाको पीसीआर र १ हजार २५६ जनाको एन्टीजेन परीक्षणका क्रममा २८ जनामा संक्रमण पुष्टि भएको हो।

योसँगै नेपालमा हाल १०७ जना सक्रिय संक्रमित छन् भने निको हुनेको संख्या ९ लाख ६७ हजार १५४ जना पुगेको छ।