तारा एयर दुर्घटना : काठमाडौं ल्याइयो १० शव [१० तस्बिर]

काठमाडौं- तारा एयरको दुर्घटनामा परी मृत्यु भएका १० जनाको शव काठमाडौं ल्याइएको छ। सोमबार साँझ नेपाली सेनाको हेलिकोप्टरमार्फत् ती शव काठमाडौं विमानस्थल ल्याइएको हो। 

विमानमा सवार २२ मध्ये २१ जनाको शव फेला परेको तारा एयरले जानकारी दिएको छ। 

शवलाई त्रिवि शिक्षण अस्पतालस्थित फरेन्सिक मेडिसिन विभागमा पोस्टमार्टमको लागि लैजाने तयारी छ। 

बाँकी ११ वटा शव प्रतिकुल मौसमका कारण आधार शिविरमा ल्याउन कठिन भइरहेको तारा एयरले जनाएको छ। उद्धार टोलीले एक जनाको शव खोजी गरिरहेको छ। पोस्टमार्टमपछि शव परिवारलाई बुझाइने छ।