संसदीय निर्वाचनमा लोकप्रिय उम्मेदवार छान्नुपर्छ : महामन्त्री थापा

नेपाली कांग्रेसका महामन्त्री गगन थापाले प्रदेश सभा र संघीय चुनावको तयारीमा जुट्न पार्टीका नेता–कार्यकर्तालाई आग्रह गरेका छन्।

नेपाल समय | बुधबार, जेठ ११, २०७९

नेपाल समय

बुधबार, जेठ ११, २०७९

संसदीय निर्वाचनमा लोकप्रिय उम्मेदवार छान्नुपर्छ : महामन्त्री थापा

काठमाडौं– नेपाली कांग्रेसका महामन्त्री गगन थापाले प्रदेश सभा र संघीय चुनावको तयारीमा जुट्न पार्टीका नेता–कार्यकर्तालाई आग्रह गरेका छन्। आगामी मंसिर वा फागुनमा प्रदेश र संघीय संसद्को निर्वाचन हुने भन्दै उनले त्यसको तयारीमा जुट्न आग्रह गरेका हुन्।

‘आमचुनावको तयारीमा जुट्नुस्, हामीसँग समय धेरै छैन। उम्मेदवार छनोट गर्दा लोकप्रिय उम्मेदवार छान्नुपर्छ, पहिले कमजोरी भएका छन् भने सच्याउनुपर्छ,’ भक्तपुरमा आज आयोजित कार्यक्रममा थापाले भने।

उनले स्थानीय चुनावबाट कांग्रेसले धेरै सिट जितेको मात्र नभई मत पनि बढेको बताए। उनले कांग्रेसबाट उम्मेदवार भई स्थानीय चुनाव जितेकाहरूलाई प्रशिक्षण दिने जानकारी दिए। उनले भने, ‘उहाँहरूलाई प्रशिक्षण दिन्छौं र निरन्तर मूल्यांकन गरिन्छ।’

प्रकाशित: May 25, 2022| 10:52 बुधबार, जेठ ११, २०७९