भरतपुर–१९ मा एमाले उम्मेदवार निर्वाचित, जहाँ ०७४ सालमा मतपत्र च्यातिएको थियो

भरतपुर– भरतपुर महानगरपालिका–१९ को वडाध्यक्षमा नेकपा एमालेका प्रकाश तामाङ निर्वाचित भएका छन्। नेपाली कांग्रेसका द्रोणबहादुर गुरुङलाई हराउँदै एमालेका तामाङ निर्वाचित  भएका हुन्। 

२०७४ को स्थानीय चुनावमा मतपत्र च्यात्तिएको यस वडामा मेयरमा सत्ता गठबन्धनकी उम्मेदवार रेनु दाहाल निरन्तर अगाडि बढिरहँदा वडाध्यक्षमा भने गठबन्धनका उम्मेदवार भने हारेका हुन्। यो वडा कांग्रेसको पकड क्षेत्र भनिए पनि एमाले उम्मेदवार निर्वाचित भएका हुन्। वडामा ३ हजार ४ सय ८८ मत खसेको थियो ।

अघिल्लो चुनावमा यस वडाको मतगणनाका क्रममा मतपत्र च्यातिएपछि पुनः चुनाव हुँदा कांग्रेसका कर्णबहादुर गुरुङ १ हजार ४ सय ७८ मत ल्याएर विजयी भएका थिए। त्यतिबेला एमालेका प्रकाश तामाङले १ हजार ९७ मत ल्याएर हारेका थिए। 

अघिल्लो निर्वाचनमा मतगणना हुँदै गर्दा नेकपा माओवादीका प्रतिनिधि मधु न्यौपाने र द्रोण सिवाकोटीले मतपत्र च्यातेका थिए।