आर्सनलका डिफेन्डर च्याम्बर फुल्हाममा अनुबन्ध

एजेन्सी-फुल्हामले आर्सनलका डिफेन्डर कलुम च्याम्बरलाई अनुबन्ध गरेको छ । उनलाई फुल्हानले दुई बर्षको लोन सम्झौतामा अनुबन्ध गरेको हो । २३ बर्षीय च्याम्बर गत सिजन आर्सनलमै फर्केका थिए । 

उनी २०१६-१७ को सिजन लोनमा मिडिलस्बर्ग गएका थिए । उनले मिडिलस्बर्गबाट प्रिमियर लिगका २४ खेल खेले । गत सिजन मात्र उनले आर्सनलबाट प्रिमियर लिगका १२ खेल खेले ।

‘मैले पछिल्लो सिजनमा धेरै फुल्हाम देखे । मलाई वस्तवमा उनीहरुको खेल्ने तरिका मन परेका छ’ च्याम्बरले भने, ‘फुल्हाममा राम्रो प्रबन्धक छन् । क्लब राम्रो छ । त्यसैले म यो सिजनका लागि उत्साहित छु ।’

फुल्हमले शनिवार क्रिष्टल प्यालेससँग खेल्दै आफ्नो प्रिमियर लिग सिजनक शुरुवात गर्ने छ । च्याम्बरले जर्मनीका विश्वकप विजेता आन्द्रे सुर्रेल, स्वन्सेका डिफेन्डर अल्फाइ मावसन र न्युकास्टलका फरवाड एलेकजानदर मिटोभिकसँग खेल्ने छन् । उनीहरु यसै सिजन फुल्हाम पुगेका थिए । 

२०१२ बाट व्यावसाहिक फुटबल यात्रा शुरु गरेका च्याम्बरले प्रिमियर लिगमा सात सिजन बिताएका छन् । हाल सम्म प्रिमियर लिगका मात्र उनले ९४ खेल खेलेका छन् ।