विराटनगरमा आफ्नै कार्यकर्ताबाट कुटिए कांग्रेस केन्द्रीय सदस्य

मंगलबार बिहान अन्सारीकै घरमा पुगेका कार्यकर्ताले उनी माथि हातपात गरेका थिए।

नेपाल समय | मंगलबार, जेठ ३, २०७९

नेपाल समय

मंगलबार, जेठ ३, २०७९

विराटनगरमा आफ्नै कार्यकर्ताबाट कुटिए कांग्रेस केन्द्रीय सदस्य

विराटनगर– नेपाली कांग्रेसका केन्द्रीय सदस्य हसन अन्सारी आफ्नै कार्यकर्ताबाट कुटिएका छन्। वडाध्यक्षका उम्मेदवार पराजित भएपछि अक्रोशित कार्यकर्ताले केन्दीय सदस्य अन्सारीमाथि हातपात गरेका हुन्। मंगलबार बिहान अन्सारीकै घरमा पुगेका कार्यकर्ताले उनी माथि हातपात गरेका थिए।

विराटनगर महानगरपालिका– १७ मा कांग्रेसका उम्मेदवार असलम आलम वडाध्यक्षमा पराजित भएका थिए। २०७४ सालको स्थानीय तह निर्वाचनमा जसपाबाट आलमले विराटनगर–१५ को अध्यक्ष जितेका थिए। तर, अहिले उनी कांग्रेस प्रवेश गरेर वडा नम्बर १७ को उम्मेदवार बनेका थिए। आलम जसपाका उम्मेदवार समिम कमर मियाँसँग ५०६ मतले पराजित भएका छन्।

आलम हराउन भूमिका खेलेको आरोप लगाउँदै कार्यकर्ताले हातपात गरेपछि अन्सारीले आफूमाथि गुण्डाको समूहले आक्रमणको प्रयास गरेको बताएका छन्।

प्रकाशित: May 17, 2022| 14:25 मंगलबार, जेठ ३, २०७९