थाइल्यान्डको क्लबसँग नेपाल पराजित

काठमाडौं- एसियाड र साफ च्याम्पियनसिपको तयारीमा रहेको नेपाली युवा फुटबल टिम पहिलो अभ्यास खेलमा पराजित भएको छ।

थाइल्यान्डको पुलिस टेरो क्लबसँग भएको खेलमा नेपाली यु-२३ फुटबल टिम १-० ले पराजित भएको हो। ३९ औं मिनेटमा आदित्य चौधरीले आत्मघाती गोल गरेपछि पुलिस टेरो क्लबले पहिलो हाफमै १-० को अग्रता बनाएको थियो। 

पछि कुनै पनि टिमबाट गोल हुन नसक्दा आत्मघाती गोल नै नेपालको हारमा निर्णायक बन्यो। 

थाइल्याण्डको प्रशिक्षणपछि त्यहीबाट इन्डोनेसिया जानुभन्दा पहिले नेपालले आर्को अभ्यास लेख १० अगस्टमा थाइल्यान्डको यु-२३ टिमसँग खेल्नेछ। 

एसियन गेम्समा नेपाल समूह डीमा रहेको नेपालले जापान, भियतनाम र पाकिस्तानसँग खेल्नेछन्। एसियाड भदौ २ गते औपचारिक रुपमा सुरु हुने भएपनि फुटबल भने केहि दिन अघिबाट सुरु हुँदैछ।