रचिद सिटीको पाँचौ खेलाडीको रुपमा अनुबन्ध 

लिस्टर सिटीले मोनाकोबाट विंगर रचिद गेजललाई अनुबन्ध गरेको छ । उनलाई सिटीले १० मिलियन पाउण्डमा अनुबन्ध गरेको हो । २६ बर्षीय रचिदलाई सिटीले चार बर्षका लागि क्लबमा भित्र्याएको हो । यसै सिजन सिटीले आफ्नो विंगर रियाद महरेजलाई म्यानचेस्टर सिटीलाई बेचेको थियो ।

लियोनमा आफ्नो व्यवसाहिक फुटबल यात्रा शुरु गरेका रचिदले पाँच सिजन बिताए । उनी २०१७-१८ को सिजनमा मोनाको पुगेका थिए । उनले मोनाकोमा पछिल्लो सिजन लिग-१ खेले । रचिदले मोनाकोमा रहदै ३३ खेल खेलेका थिए । जसमा चार खेल च्याम्पियन्स लिगका खेले । उनले मोनाकोमा रहदा २ गोल समेत गरे ।

यस सिजन सिटीको यो पाँचौ खेलाडी अनुबन्ध हो । यस अघि सिटीले गोलरक्षक डानी वार्ड, डिफेन्डर रिकार्डो पेरेइरा र जोनी इभान, मिडफिल्डर जेम्स माड्डिसनलाई अनुबन्ध गरेको थियो । ‘म यहाँ धेरै खुसी छु । मलाई थाहाछ की लियानको कोच र म सिटीमा एक ठाँउ बनाउच चाहन्छु ।’ उनले भने , ‘यो एक राम्रो क्लब हो र यहाँ कयौ राम्रा खेलाडी पनि छन् । मलाई आशा छकी यो सिजन सिटीको राम्रो बित्ने छ ।’ 

म्यानेजर क्लाउड पउलले भने, ‘रिचद हाम्रो समूहका लागि एक रोमाञ्चक र रचनात्मक खेल प्रतिस्पर्धात्मक खेलाडी हुने छन् ।’