आधा समयमा ३५ प्रतिशत मतदान

स्थानीय तह निर्वाचन २०७९ अन्तर्गत आज बिहानैदेखि उत्साहजनक रूपमा मतदान भइरहेको निर्वाचन आयोगले जनाएको छ।

नेपाल समय | शुक्रबार, वैशाख ३०, २०७९

नेपाल समय

शुक्रबार, वैशाख ३०, २०७९

काठमाडौं– स्थानीय तह निर्वाचन २०७९ अन्तर्गत आज बिहानैदेखि उत्साहजनक रूपमा मतदान भइरहेको निर्वाचन आयोगले जनाएको छ। आयोगका अनुसार १२ बजेसम्म देशभर करिब ३५ प्रतिशत मतदान भएको छ।

मुलुकका १० हजार ७५६ मतदानस्थलका २१ हजार ९५५ मतदान केन्द्रमा मतदान भइरहेको आयोगले जनाएको छ। दोलखा, सर्लाही, सप्तरी, रामेछाप, पर्वत, हुम्ला र बाजुराका केही मतदानस्थलमा सामान्य विवादका कारण मतदान कार्य अवरुद्ध भएको आयोगले जनाएको छ। ती ठाउँमा पुनः मतदान सुरु गर्न प्रयास भइरहेको पनि आयोगले बताएको छ।

आज साँझ ५ बजेसम्म मतदान हुने कार्यतालिका छ। करिब ७५ प्रतिशत मत खस्ने आयोगको अनुमान छ।

प्रकाशित: May 13, 2022| 12:30 शुक्रबार, वैशाख ३०, २०७९