आर्सनलका डिफेन्डर सीडले प्रिमियर लिगका आठ खेल गुमाउने 

एजेन्सी-आर्सनलका डिफेन्डर सीड कोलासिनाकले प्रिमियर लिगका आठ खेल गुमाउने भएका छन् । उनी आफ्नो बाँया खुट्टामा लागेको चोटका कारण प्रिमियर लिगका आठ खेल गुमाउने भएका हुन् । 

उनी चोटका कारण १० हप्ता मैदान बाहिर बस्नु पर्ने भएको बताईएको छ । २५ बर्षीय सीडले बुधबार चेल्सीसँग भएको प्रि- सिजनको अन्तराष्ट्रिय च्याम्पियन्स कपका दौरान उनी घाइते भएका थिए । 

उनी चेल्सीका फुल-ब्याक डिफेन्डर भिक्टर मुसासँग ठोक्किदा चोट ग्रस्त भएका थिए । पुर्व स्कल्के खेलाडी सीड दुई युरोपियन लिग समूह खेल र तेस्रो राउण्डको काराबाओ कप समेत गुमाउने सम्भावना रहेको बताईएको छ । 

खुट्टाको चोटका कारण मैदान बाहिर रहेका वेल्स मिडफिल्डर आरोन रामसेलाई यसबीच प्रशिक्षणका लागि मैदानमा बोलाउन सक्ने सम्भावना रहेको छ । सीड २०१७ मा स्कल्केबाट आर्सनल आएका थिए । एक बर्ष आर्सनलमा बिताउदै प्रिमियर लिग खेलेका उनले प्रिमियर लिगका २७ खेल्दै दुई गोल गरेका छन् ।