काठमाडौं- कलाकार किशोर भण्डारी ‘डिट्ठासाब’ आसन्न स्थानीय निर्वाचनमा वडा सदस्यको चुनावी मैदानमा उत्रिने भएका छन्।
भण्डारीले नेपाली कांग्रेसबाट वडा सदस्यमा उम्मेदवारी दिएका हुन्। कलाकार भण्डारीले काठमाडौंको तारकेश्वर नगरपालिका-२ को वडा सदस्यमा उम्मेदवारी दिएका छन्। उनी काभ्रेस्थलीका स्थायी वासिन्दा हुन्।
जनताको व्यक्तित्व विकास गर्ने आफ्नो प्रमुख चुनावी एजेण्डा रहेको भण्डारीले बताए । शिक्षा र स्वास्थ्य आफ्नो प्राथमिकतामा पर्ने उनले बताए।
भण्डारी कान्तिपुर टेलिभिजनबाट प्रसारण भएको डिट्ठासाब हास्य टेलिश्रृंखलामा ‘डिट्ठासाब’को भूमिकामा रहेका छन्।