अमेरिकी विदेशमन्त्रीले भने- नेपालसँगको मित्रता थप बलियो बनाउने छौं

काठमाडौं- अमेरिकी विदेशमन्त्री एन्टोनी ब्लिन्केनले नेपालसँगको मित्रता थप बलियो बनाइने बताएका छन्। 

नेपाल-अमेरिका कूटनीतिक सम्बन्धको ७५ वर्ष पूरा भएको अवसरमा ट्वीट गर्दै विदेशमन्त्री ब्लिन्केनले आगामी दशकहरूमा नेपालसँगको मित्रता थप बलियो बनाइने बताएका हुन्।

'आज हामीले अमेरिका-नेपालबीच कूटनीतिक सम्बन्ध स्थापना गरेको ७५ औं वर्षगाँठ मनाइरहेका छौं। नेपालमा शासन, आर्थिक विकास र अन्तर्राष्ट्रिय संलग्‍नतामा परिवर्तन भएको देखिएको छ,' उनले लेखेका छन्, 'हामी साझेदारको रूपमा हाम्रा उपलब्धिहरूमा गर्व गर्छौं। र, आगामी दशकहरूसम्म मित्रता थप बलियो बनाउने छौं।’

Today we mark 75 years of U.S.-Nepal diplomatic relations. Nepal has seen incredible changes in its governance, economic development, and international engagements. We are proud of our accomplishments as partners, and look forward to many more decades of friendship. #USNepal75

— Secretary Antony Blinken (@SecBlinken) April 28, 2022