बैंगलोरलाई हराउँदै राजस्थान रोयल्स शीर्ष स्थानमा

मंगलबार राति भएको खेलमा रोयल च्यालेन्जर्स बैंगलोरलाई २९ रनले हराउँदै राजस्थान शीर्ष स्थानमा उक्लेको हो।

नेपाल समय | बुधबार, वैशाख १४, २०७९

नेपाल समय

बुधबार, वैशाख १४, २०७९

बैंगलोरलाई हराउँदै राजस्थान रोयल्स शीर्ष स्थानमा

काठमाडौं- राजस्थान रोयल्सले इन्डियन प्रिमियर लिग (आईपीएल) टी-ट्वान्टी क्रिकेटको शीर्ष स्थानमा उक्लेको छ। मंगलबार राति भएको खेलमा रोयल च्यालेन्जर्स बैंगलोरलाई २९ रनले हराउँदै राजस्थान शीर्ष स्थानमा उक्लेको हो।

राजस्थानले दिएको १ सय ४५ रनको लक्ष्य भेट्न नसक्दा बैंगलोर पराजित भएको हो। उसले १९ ओभर ३ बलमा १ सय १५ रन मात्र जोड्न सक्यो। बैंगलोरका लागि कप्तान फाप डु प्लेसिसले सर्वाधिक २३, वानिन्दु हसरंगा १८, साहबाज अहमेदले १७ रन जोड्दा रजत पाटिदरले १६ रन बनाए।

राजस्थानका कुलदिप सेनले ४ विकेट लिए भने रविचन्द्र आश्विनले ३ र प्रसिद्ध किसनले २ विकेट हात पारे। पहिले ब्याटिङ गरेको राजस्थानका रियान परागले ५६, कप्तान सन्जु सामसनले २७ रन बनाउँदा रविचन्द्र आश्विनले १७ रन जोडे। बैंगलोरका मोहमद सिराज, जोश हाजलउड र वानिन्दु हसरंगाले दुईदुई विकेट हात पारे।

जितसँगै राजस्थानले ८ खेलमा १२ अंक जोडेको छ। पाँचौं स्थानको बैंगलोरले ९ खेलमा १० अंक बनाएको छ।

प्रकाशित: Apr 27, 2022| 07:45 बुधबार, वैशाख १४, २०७९